Djibouti: Waxaa dalka jabuuti si habsami leh uga socda Tababarka Tababarayaasha Kubadda Koleyga [Couches Clinic Course Level 1] oo ay maalgelinayso hay`adda Olympic Solidarity waxaana ka qeybgalaya 20 tababare oo ka yimid dalka Soomaaliya iyadoo uu tababarkan uu bixinayo khabiirka R.Owino.
"Tababarkan waa mid muhiimad u leh tababarayaasha Kubadda Koleyga Soomaaliyeed waxaana rajadeenu tahay inaan si wanaagsan ku dhameyno" sidaas waxaa ISBOORTI u sheegay Mr. R owino oo intaasi ku daray in haatan ay qaateen tababarayaasha la tababarayo casharo asaasi ah,wuxuu xusay inuu dareemay inay yahiin kuwo ku haboon in ay wax sii gudbiyaan.
"Waxaan danaynayno ma`aha inaan tababarno 20 qofood , lakiin waxaan ka sugaynaa inay sameeyaan kumanaan ciyaaryahan oo ku haboon ciyaartan Kubadda Koleyga . Taas ayaana noqon karta wax iyaga Taariikhda u gasha magac iyo sumcad u keenaysa Xiriirka Kubadda Koleyga iyo guud ahaan Isboortiga Soomaaliya.
Sidoo kale R. Owino oo u dhashay dalka Kenya ayaa wuxuu tibaaxay in tababarkan uu bixinayo uu yahay mid la jaanqaadi kara Kubadda Koleyga Dunida , wuxuuna xusay in Tababarka uu ku bixiyo qaab Theory iyo Practical.
Ugu danbayn Khabiirka R. Owino oo tababaraya Tababarayaasha Kubadda Koleyga Soomaaliyeed ayaa wuxuu tibaaxay inuu ku qanacsan yahay qaabka farxadda iyo wanaagga leh ee uu u soconayo tababarkan.
Isboorti Chief Editor
Said Ibrahim Hussein [BUUNA]
info@isboorti.com
Cell Phone: +253-626303
Djibouti-Djibouti
Back
to home
Bottom
of the Page
Top
of the Page
